गैरसमज शंभूराजांबद्दलचे

इतिहास संशोधक मु. गो. गुळवणी -----

संभाजीराजे यांचे बद्दलचे गैरसमज अभ्यास करून दूर करणारे लेखन करणारे इतिहास संशोधक, वैदिक संस्कृतीचे अभ्यासक मुरलीधर गोपाळ तथा मु. गो. गुळवणी यांचे आज पुण्यस्मरण
खालील मजकूर (फेस बुक --संभाजी राजे(The Great Maratha)December 17, 2013 मधुन )
मुरलीधर गुप्ते अर्थात कवी बी यांनी कमळा हे दिर्घकाव्य लिहून शंभुराजेंच्या तथाकथित प्रेयसीला इतिहासात अजरामर केले आहे. काही चित्रपटकारानी शंभुराजेंच्या चरित्रावर चिखलफेक करण्यासाठी हा चित्रपट बनवला. या चित्रपटाने शंभुराजेंच्या चरित्राबद्दल असलेला गैरसमज साक्षर विश्वापासून थेट जनमानसांसमोर पद्धतशीरपणे पोहचवला.
आजही कोल्हापूरजवळ पन्हाळगडाच्या पायथ्याशी असणार्या एका समाधी मंदिरास कमळेचे मंदिर म्हणून संबोधले जाते. कमळेचे हे स्थायी मंदिर वर्षानुवर्षे शंभुराजेंची बदनामी करीत आहे. या गैरसमजाच्या मुळाशी जाणे आवश्यक होते म्हणून मु. गो. गुळवणी यांनी शोधनिबंध लिहिला आणि सत्य समोर आले की सज्जाकोटीच्या खाली असलेल्या आपटी गावातील हे थडगे दुसर्या संभाजी राजांच्या ( राजाराम पुत्र ) काळातील करवीर दरबारातील सरदार यशवंतराव थोरात व त्यांची पत्नी गोहाबाई यांचे समाधी मंदिर आहे. तहसील कार्यालयात याची नोंद आहे, सर्व्हे नं १९७, क्षेत्र १ एकर १५ गुंठे, खराब ३ गुंठे, आकार ३ रुपये ४ आणे. जमिनीचा वहिवाटदार म्हणून श्री आप्पा धोंडी कदम यांचे नाव असून ३ गुंठे खराब जमिनीवरील हे थडगे थोरातांचे थडगे म्हणून कागदोपत्री नोंद आहे. सरदार यशवंतराव थोरात जेव्हा लढाईत भाला लागून धारातीर्थी पडले, तिथेच त्यांची पत्नी गोहाबाई सती गेल्या. थोरात घराण्यातील लोकांनी पती पत्नीचे स्मरण म्हणून हे समाधी मंदिर बांधले. हे श्री गुळवणी यांनी सिद्ध केलंय. यावरून असे लक्षात येते की, कमळा हे काल्पनिक पात्र ही काही इतिहासकार आणि नाटककारांची हरामखोरी आहे
**************************